الأحد، 1 يوليو 2012

اسماء

 

1- ابو قردان:

قردان مثني قرد وبالتالي الطائر ده كان اسمه قرد- معرفش ازاي- ولما خلف قرد_ معرفش برضه ازاي- سموه ابو قرد وبعدين خلف كمان قرد سموه ابوقردان والمرجح هنا ان هو مخلفش غير قردين والا كان هيبقي اسمه ابو ثلاث قررود او ابو اربع قرود..........ألخ .وفي احتمال تاني انه يكون كل القرود اللي خلفها ماتت ومعاش له الا قردان.


2- ام قويق :

كان اسمها قويقة - ده طبيعي لان قويقة مؤنث قويق- بعدين خلفت قويق فبقي اسمها ام قويق وبرضه شكلها مخلفتش غير ابنها قويق


3- ام الخلول:

كان اسمها خلولة وخلفت خلولة بقي اسمها ام خلولة بعدين خلفت خلولة كمان بقي اسمها ام الخلولتين وكانت عايزة تبطل خلف علي كده لكن خافت الا جوزها يطلقها علشان مجابتلوش الخلول اللي يشيل اسمه من بعده فقررت تجرب حظها فربنا رزقها بخلول زي العسل فبقي اسمها ام الخلول مع انهم بيسموا باسم المولود الاول بس تفرقة عنصرية بقي .


4- ابو فصادة:

كام اسمه فصاد فخلف فصادة فبقي اسمه ابو فصادة وبعدين خلف فصادة كمان بقي اسمه ابو فصادتان وبعدين خلف فصاد وفصاد وفصاد حبوا يسموه باسم الفصاد الذكور معرفوش يجمعوا كلمة فصاد فسموه باسم الفصادة البكرية علي مضض وهكذا اصبح اسمه ابوفصادة 

ارجو ان تكونوا قد استفدتم بهذا القدر الضئيل من المعلومات

 

هناك 5 تعليقات:

  1. هههههههههههه
    اختي
    طيب متعرفيش معني رحاب بالمرة ...؟
    والله انت مجنناني ...
    عموما مش خسارة اني سيبت لك المتصفح عشان تكتبي الكلام ده قبل ما اروح المدرسة
    عشان بس تعرفي قيمتي

    ردحذف
  2. ههههههههههههههههههه.
    معلوماتك غلط الكائنات ديه اصلا ماكنتش بتخلف فتبنت اولاد الاول تبنى قردان والثانى تبنى قويق والثالثه تبنت خلول كتير فكان الواحد من نوعها خل لوحده فسموها ام الخلول اما الرابع فتبنى فصادتين ومات واحده فمن كتر حبه لها سموه ابو فصاده
    وبس

    ردحذف
  3. ههههههه..
    هو باقي القاموس هينزل امتى ؟

    ردحذف
  4. معلومات جديدة على بصراحه
    ههههههههههههههههههههههههههههه

    ردحذف
    الردود
    1. ان شاء الله المعلومات الجاية هتكون اجدد ههههههههههههههه
      اهي شوية فرفشة في جو الكابة
      شكرا لتعليقك

      حذف