الأحد، 1 يونيو 2014

أنا وابن عمي علي اخويا

في مثل بلدي  بيقول "انا وأخويا علي ابن عمي وانا وابن عمي علي الغريب" المثل ده بيطبق بس بصور عكسية وبقي انا وابن عمي والغريب علي اخويا واهلي وناسي ووطني .وتحول مبدأ شمشون "عليا وعلي اعدائي " الي عليا وعلي اهلي ولينتصر اعدائي" وده بنشوفه في مصر لما تلاقي كل واحد مش عاجبه حاجة في البلد يجري علي قناة الجزيرة علشان تهاجم بلده ونسي او تناسي انها بلده واللي يضرها يضره والجزيرة نفسها تناست ان مصر دي شقيقتها .ومش الجزيرة بس اللي بتعمل كده دا كل واحد مش لاقي شغلانه وعمل برنامج يطول فيه لسانه ويشتم بألفاظ يندي لها الجبين وكأنه هذه هي الديموقراطية هو شريك في الجريمة اصبح كل همه ان يحصد المال والشهرة حتي لو كانت الشهرة السيئة ونسي انه بهذا يدمر وطنه ويقدمه لاعدائه علي طبق من ذهب لا بل ماس. واتعجب من هؤلا هل ينظرون الي أنفسهم وكيف انهم يحقرون من انفسهم بكلامهم التافه وحركاتهم الصبيانية ونحن نهلل لهم ونصنع لهم شخصية بالرغم من انهم انفسهم اهانو شخصياتهم وتخلوا  عنها . لقد امرنا الرسول عليه السلام بنصرة الاخ ظالما بالنصح والارشاد والاصلاح بأي وسيلة فلماذا نتخلي عن وطننا بل والاسوأ ندفع الاخرين لاهانته؟متي سيفيق الشعب المصري ويدرك ان صلاح وطنه بيده لا بيد الرئيس فقط او بأيدي اعدائه فالاعداء اذا قدموخدمة ظاهرية فإنها تحمل الدمار للوطن واولهم من عاونهم والعمار لهم .

هناك تعليقان (2):

  1. انتى معاكى حق طبعا
    بس فى ناس كتير اتظلمت وناس قرفت من الفساد وللاسف مش بإيدهم يصلحوا حاجه لان الموضوع اكبر منهم
    اتمنى بجد ربنا يصلح حال مصر وشعبها واتمنى نخاف على بلدنا بجد ونغير عليها
    وياريت يكون فى مسئولين يسمعوا شكوى المواطنين بدل قناه الجزيره اللى بقت زى الملجأ اللى بيلجأ ليه اى واحد عايز يشكى همه
    تحياتى ليكى حبيبتى

    ردحذف
    الردود
    1. عندك حق طبعا يا ريت المسئولين يسمعوا شكوي المظلومين ويحاولوا يحلوها لان اهمال بعضهم هو اللي بيدفع البعض للجوء لغيرهم علشان يحل مشاكلهم وان كان ده مش مبرر للي البعض بيعمله دلوقتي ..علي الاقل ممكن نتحد ونحاول بأنفسنا دون اللجوء لاخرين ونجبر المسئولين علي تحمل بعض من المسئولية الملقاه علي عاتقهم والا يرحلوا ليتركوا المكان لغيرههم ممن لديه القدرة علي تحمل هذه المسئولية
      تحياتي

      حذف