الجمعة، 21 مارس، 2014

فيزا لن تري النور

من كام سنة ادارة المدرسة اعطت لنا استمارات وطلبت منا ان نملأها حتي يتم عمل فيزا لكل واحد منا يستخدمها في صرف راتبه من الصراف الآلي وقتما يحب .المهم بعدها بكام شهر -في شهر نوفمبر او ديسمبر 2012 -ذهبنا لاستلام الفيزا من سكرتيرة المدرسة واكتشفت ان الفيزا الخاصة بي لم يتم استخراجها وطلبت مني السكرتيرة صورة البطاقة الشخصية حتي تقدم بها طلب لاستخراج فيزا .ولان الادارة التعليمية بتقفل الساعة اتنين ظهرا وانا انهي عملي الواحدة والنصف او الثانية الا ربع تبرعت اختي لتذهب الادارة وتسأل اذا كانت الفيزا قد تم استخراجها.اختي كل كام اسبوع تروح تسأل ولكن بلا جدوي ويطلب منها الموظف المسئول صورة بطاقة اخري وكنت في هذا الوقت اتسلم مرتبي شيكا اصرفه شخصيا من  البنك الذي يغلق ابوابه الساعة الثانية ايضا  وبعد عدة اشهر وكام صورة بطاقة ذهبت انا واختي الاخري لاستلم الشيك فانتهزت الفرصة وذهبت للسؤال عن الفيزا فلم اجدها- كل ده والموظف لم يكلف خاطره ويحاول معرفة سبب تأخر استخراجها -وبالمصادفة قابلت سكرتيرة مدرستنا واحد معارفنا وحكيت لهما الموضوع فاخذونا الي الموظف مرة اخري وطلبوا منه ان يبحث عن سبب المشكلة واتضح ان الفيزا الخاصة بي صادرة باسم سيدة اخري تابعة للصحة ولكن الفيزا برقمي القومي .اختي غضبت وتحدثت عن اهمال بعض الموظفين وكان احد الموظفين الاخرين جالسان في نفس الغرفة فعلق بعبارة " دي غلطة واحدة بين 400 مدرسة" انا في الحقيقة غاظني تعليقه اللي بيوضح اهماله واستهتاره وكنت عاوزة اقوله –بس طبعا مقولتش-ان احنا في مدرستنا لوحدها اتنين غيري كان عندهم اخطاء في الفيزا –ولكنهم قاموا باصلاحها- المهم السكرتيرة طلبت منه يشرح لنا  ايه اللي مطلوب نعمله علشان نصلح الغلطة وايه الاوراق المطلوبة . وبعد العديد من السفر والاوراق والتنقل بين الادارة التعليمية والمديرية بالمحافظة طلعت الفيزا ولكن ..............تابعة لوزارة الصحة! –الكلام ده كان الاسبوع اللي فات يعني في مارس 2014-يعني بقالي سنة واربع شهور وانا عارفة ان(احبال الحكومة طويلة بس دي حاجة مش مستاهلة ولا هي طلب وظيفة هيماطلوا فيه علشان يوفروا الفلوس) -وطلب منها الموظف في المديرية انها تروح الادارة التابعة لها وتطلب من الموظف يصحح البيانات فقلت لاختي "اما  المشاوير والورق  والحاجات دي كلها كانت علشان ايه ؟! انا مش عاوزة فيزا ولا تحاولي تصلحيها ولا تتعبي نفسك " لكنها اخبرتني انهم في الادارة يطلبون من الجميع سرعة استخراج الفيزا لانهم لن يقوموا باصدار شيكات فقلت "طب انا ذنبي ايه و اعمل ايه لا هم طلعولي الفيزا ولا هم عاوزين يتحملوا غلطهم ويطلعوا شيك" اخوتي ووالدتي قالوا لي ان المدرسة هي المسؤولة عني وعليها انها تحل المشكلة وطلبت مني اختي الاخري ا لا اذهب الي المدرسة حتي يتم حل الامراما ابي فطلب مني اسم الموظف المسئول حتي يرفع عليه شكوي .طبعا انا مش هاغيب عن المدرسة ولا يعرف احد بها مشكلتي الا السكرتيرة التي اخبرتها عندما علمت بالخطأ الثاني .ولم اخبر ابي باسم الموظف فانا لست متأكدة من المخطئ الحقيقي ولا اريد ان اظلم احد كما لا احب حل مشاكلي بهذه الصورة وان كنت قد الجأ الي هذا ان كانت هذه الطريقة ستجعلهم اشد حرصا في المرات القادمة. ماذا كنتم ستفعلون لو انكم في مكاني؟

هناك 7 تعليقات:

  1. كنت هعمل براى باباكى وأاشتكى المدرسه والموظف واضم للشكوى رئيسه لانه مفروض انه مشرف أنتى بتشتكى الموظف بصفته وليس ذاته
    وبعدين أى اهمال لازم يتقابل بالعقاب لان مشكتنا لما حد بيصعب علينا بيسوق فيها لو موظف قولنا علشان خاطر مش يتئزى هو بقى بيرجع تانى لإهماله
    خذى إجراء قانونى

    ردحذف
    الردود
    1. انا ان شاء الله هاخد بالنصيحة بس يمكن اضطر اخلي اختي"رحاب" تعمل محاولة اخيرة لاني باحس بتأنيب ضمير حتي وانا علي حق ..........و فعلا عندك حق ان الاهمال اذا لم يتم ردعه فسيستمر واسوأ وقد سبق لهذه الادارة ان اضاعت ملفي بما يحتويه من اصل شهادة الميلاد واصل المؤهل وبلغت المدرسة انها ستقوم بوقف راتبي اذا لم اقدم الملف واضطررت لاستخراج غيرها وهذا لم يحدث معي انا فقط
      وعندك حق في ضم رئيس الموظف الي الشكوي لان"كلكم راع وكلكم مسئول عن رعيته"
      تحياتي وشكرا علي النصيحة

      حذف
  2. انا مع الاخ جمال بصراحه لازم تقدمى شكور فى الموظفه وفى اى حد مهمل بالشكل ده
    لازم تاخدى اجراء قانونى
    بصراحه ده اسمه اهمال واستهتار واستهبال كمان
    امته بقى مصر هيبقى فيها التزام ونظام

    ردحذف
    الردود
    1. ان شاء الله هيحصل بس بعد محاولة اخيرة
      ومن وجهة نظري ان مصر هتبقي احسن وفيها التزام ونظام وتتقدم لو الناس غيرت نفوسها وخلت خالقها وضميرها وليس انسان مثلها رقيب علي عملها اما تغيير الاشخاص باشخاص اخرين يختلفون شكلا والنفوس واحدة فلن يغير من الامر شيء والامثلة واضحة .
      تحياتي وشكري

      حذف
  3. انا الي هنفجر من كل ده عشان انت ساكتة وانا الي طول الوقت الف وادور عشان خاطر الفيزا بتاعتك وانا الي بجيب لك الشيكات وانا اللي بسافر واتشحطط _ حلوة اتشحطط دي _
    م الاخر انت غلطانة لان من اول الامر كنت قلت للسكرتيرة ان دي مشكلتها وهي الي لازم تحلها مع الموظف ف الادرارة بس انت سكت و استحليتي اني اعمل لك كل حاجة واذا كنت انت بتشفقي علي تلامذتك وبتتقي ربنا عشان ميضيعش عليهم ولا درس ولا حتي دقيقة منم الحصة كان اولي بالسكرتيرة ومديرة مدرستك يحلولك المشكلة دي
    عموما يا اختي اخر محاولة لي هتكون يوم الاحد وبعد كدة هسيب بابا يتصرف معاهم عشان انا زهقت

    ردحذف
    الردود
    1. طبعا يا رحاب انا عاجزة عن شكرك مش علي ده وبس لكن علي حاجات تانية كتير
      ويمكن عنك حق ان المدرسة لازم تتحمل المسؤولية بس مش علشان انا براعي شغلي زي ما قلتي فده واجبي وليس تفضل مني ولكن لانها هي المسئولة عني .
      انا عارفة انك زهقتي لاني انا نفسي زهقت مع اني لم (اتشحطط) واتبهدل مثلك
      تحياتي وشكري الي مالا نهاية

      حذف